सामुन्द्री आँधी एरिन अपडेट: सिटी र लङ आयल्यान्डमा उच्च छाल र रिप-करन्ट जोखिम, पौडी प्रतिबन्ध कायम

न्यू योर्क। हुरिकेन एरिन अमेरिकी तटबाट पर सर्दैछ। यसले न्यूयोर्कमा प्रत्यक्ष असर गर्दैन। तर उच्च छाल, तीव्र रिप-करन्ट र सानो तटीय बाढीको जोखिम भने अझ छ।

त्यसैले सिटी सबै बीचमा अगस्ट १९ देखि पौडी बन्द छ जुन जोखिम रहँदासम्म जारी रहनेछ। पौडी प्रतिबन्ध पार्कका कर्मचारीले कडाइका साथ लागू गरिरहेका छन्। बालुवा क्षेत्र भने खुला छन्।
लङ आयल्यान्ड, सफोक काउन्टीका सबै अटलान्टिक बीचमा शनिबार बिहान (अगस्ट २३) सम्म पौडी निषेध छ। राज्य पार्कका जोन्स बीच, रोबर्ट मोसेस, हिथर हिल्स मा पनि पौडी रोकिएको छ। कारण एरिनका उच्च छाल हुन्।

नेशनल वेदर सर्भिसले उच्च ‘रिप-करन्ट’ र उच्च ‘सर्फ’ को चेतावनी दिएको छ। उच्च ज्वार बेला तटीय बाढी हुन सक्छ। त्यसकारण जेट्टी, ढुंगा क्षेत्र र पानीजन्य गतिविधिबाट टाढा बस्नु सुझाव दिइएको छ।  

एरिनले उत्तर क्यारोलाइनाका केही भागमा तटीय बाढी ल्याएको थियो। त्यसका छालहरू उत्तरतर्फ बढिरहेका छन्। त्यसकारण समुद्रमा नछिर्न भनिएको छ। शुक्रबारसम्म (लङ आयल्यान्डमा शनिबार बिहानसम्म) पौडी प्रतिबन्ध लगाइएको छ। बीच जानुअघि सिटी/काउन्टी सूचना हेर्न  भनिएको छ।