सामुन्द्री आँधी ‘एरिन’ को न्युयोर्क तटमा उच्च जोखिम:अधिकारीहरूद्वारा चेतावनी जारी

न्युयोर्क। यो साताभर न्युयोर्क सिटी, लङ्ग आइल्याण्ड र न्यु जर्सीका समुद्रतटमा ठूलो छाल र ‘रिप करेन्ट’को जोखिम तीव्र हुनेछ। ‘हरिकेन एरिन’ भूमिबाट टाढै रहे पनि लामो र तीब्र लहरका कारण समुद्र खतरनाक बन्नेछ। पौडिनु परे लाइफगार्ड नजिक मात्र पौडनु र रातो झण्डाको संकेत मान्न अधिकारीहरूले आग्रह गरेका छन।
हरिकेन ‘एरिन’ फेरि सशक्त भई श्रेणी ४ मा पुगेको छ। यो सप्ताहन्तमा छोटो समयका लागि श्रेणी ५ पुगेपछि कमजोर भई पुनः बलियो भएको हो। अमेरिकी राष्ट्रिय हरिकेन केन्द्रले एरिनलाई “ठूलो र खतरनाक” रहने मूल्याङ्कन गरेको छ।
तूफानको मूल भाग आज दक्षिण–पूर्वी बहामासबाट पूर्वतर्फ नजिकैबाट गुज्रने, र साताको बीचतिर बरमूडा र अमेरिकी पूर्वी तटबीचको समुद्रबाट अघि बढ्ने पूर्वानुमान छ। टर्की र काइकोस तथा पूर्वी बहामासमा ‘ट्रपिकल स्टर्म वार्निङ’ जारी गरिएको छ। केही क्षेत्रमा १५ से.मी. सम्म वर्षा हुन सक्ने बताइएको छ।
एरिन हरिकेनले गर्दा प्युर्टो रिकोमा डेढ लाख उपभोक्ताको बिजुली अवरुद्ध भयो। त्यहाँ आपतकालीन मर्मतपछि धेरै स्थानांतरित आपूर्ति पुनःस्थापना गरिएको छ।
उत्तरी क्यारोलिनाको आउटर बैंकस (ह्याटेरास टापु) मा भारी छाल, उच्च हावा र सडक बग्ने जोखिमले इभ्याक्यूएसनको  आदेश दिइएको छ। मुख्य राजमार्ग अवरुद्ध हुनसक्ने चेतावनी छ।
न्युयोर्क–न्यु जर्सीमा ठूलो र लामो सामुन्न्द्री लहरको बिहीबार–शुक्रबार जोखिम उच्च रहने, र सप्ताहान्तसम्म ‘रफ सर्फ जारी रहने सम्भावना छ। उता बहामासको विपद् व्यवस्थापन प्राधिकरणले स्थानीय बासिन्दालाई नजिकको आश्रयस्थल पहिल्याउन र वैकल्पिक योजनासहित तयार बस्न अनुरोध गरेको छ। अधिकारीहरूले “यस्ता तूफानहरू एक्कासी दिशा–वेग बदल्न सक्छन्” भन्दै सतर्कता अपनाउन आग्रह छन्।